कञ्चन बिच्छाको पद अदालतले खारेज गरेपछि मधेश प्रदेशसभामा रिक्त समानुपातिक सदस्यमा राप्रपाले महोत्तरीकी सरिताकुमारी ठाकुरलाई सिफारिस गरेको छ। पार्टीले रिक्त पदपूर्तिका लागि संवैधानिक तथा कानुनी प्रक्रियाअनुसार नाम सिफारिस गरेको जनाएको छ।
राप्रपाले प्रदेशसभा सदस्य कञ्चन बिच्छालाई पार्टी अनुशासन उल्लंघनको आरोपमा फिर्ता बोलाएको थियो। बिच्छाले दायर गरेको रिट निवेदन अदालतले खारेज गरेपछि उनी पदमुक्त भएकी थिइन्।
बिच्छा पदमुक्त भएपछि निर्वाचन आयोगबाट रिक्त समानुपातिक सदस्य पदपूर्तिका लागि पत्र प्राप्त भयो। समानुपातिक सूचीमा दोस्रो नम्बरमा रहेकी ठाकुरलाई सिफारिस गरिएको राप्रपाका प्रवक्ता मोहनकुमार श्रेष्ठले जानकारी दिए।
