भ्रष्टाचार अभियोगमा नेपाल नागरिक उड्डयन प्राधिकरणका तत्कालीन महानिर्देशक सञ्जीव गौतम पुर्पक्षका लागि थुनामा परेका छन्। विशेष अदालतले बयान र थुनछेक बहसपछि गौतमलाई थुनामा पठाउने आदेश दिएको हो।
पोखरा क्षेत्रीय अन्तर्राष्ट्रिय विमानस्थल निर्माण आयोजनाका तत्कालीन निर्देशक प्रदीप अधिकारीसँगै गौतमविरुद्ध अख्तियार दुरुपयोग अनुसन्धान आयोगले मुद्दा दायर गरेको थियो। अख्तियारले गौतमबाट ६ करोड ७३ लाख ९९ हजार ६४८ रुपैयाँ ५९ पैसा बिगो असुल गर्न मागदाबी गरेको थियो।
न्यायाधीश नारायणप्रसाद पौडेल, हेमन्त रावल र डिल्लीरत्न श्रेष्ठको इजलासले प्रमाण परीक्षणका क्रममा गौतमलाई थुनावा पूर्जी दिई थुनामा राख्न आदेश दिएको छ।
