साउदी अरबमा वैदेशिक रोजगारीका लागि पुगेका १३० जना नेपाली श्रमिकको मृत्यु भएको छ भने ५४४ जना विभिन्न कारणले जेलमा परेका छन्।
नेपाली दूतावासले साउदीमा रहेका नेपाली श्रमिकहरूको सुरक्षा, उद्धार र कानुनी सहजीकरणका लागि आफ्नो सक्रियता बढाएको जनाएको छ।
दूतावासले सार्वजनिक गरेको तथ्याङ्कअनुसार, गत साउन महिनादेखि हालसम्मको अवधिमा यी मृत्यु र जेलका घटनाहरू भएका हुन्।
मृत्यु हुने श्रमिकहरूमध्ये अधिकांशको हृदयघात, सडक दुर्घटना, कार्यस्थल दुर्घटना, आत्महत्या र दीर्घकालीन रोगका कारण ज्यान गएको दूतावासले उल्लेख गरेको छ।
दूतावासले जेलमा रहेका नेपालीको रिहाइ, बिरामीको उपचार तथा अलपत्र परेका श्रमिकको स्वदेश फिर्तीलाई प्राथमिकतामा राखेर काम गरिरहेको छ।
