उच्च अदालत पाटनले शंकर ग्रुपका अध्यक्ष शंकरलाल अग्रवाललाई बैंकिङ कसुर मुद्दामा पुर्पक्षका लागि थुनामा राख्न आदेश दिएको छ। न्यायाधीश अर्जुनप्रसाद कोइराला र कविप्रसाद न्यौपानेको संयुक्त इजलासले बिहीबार यो आदेश जारी गरेको हो।
केन्द्रीय अनुसन्धान ब्युरो (सीआईबी) ले अग्रवाललाई डिल्लीबजारबाट पक्राउ गरेको थियो। बैंकिङ कसुर सम्बन्धी मुद्दामा दीपक भट्ट, शुलभ अग्रवाल र शंकरलाल अग्रवाल प्रतिवादी बनाइएका छन्।
अदालतको आदेशसँगै अग्रवाल मुद्दाको अन्तिम टुंगो नलागेसम्म पुर्पक्षका लागि थुनामा रहनेछन्।
