नेकपा (एमाले) का महासचिव शंकर पोखरेलले राष्ट्रिय स्वतन्त्र पार्टी (रास्वपा) को उदय जति छिटो भयो, त्यति नै छिटो यसको पतन हुने सम्भावना रहेको बताएका छन्।
शुक्रबार काठमाडौंमा आयोजित एक कार्यक्रममा बोल्दै पोखरेलले रास्वपाको उदय पपुलिजम, अवसरवाद र अराजकताको जगमा भएको टिप्पणी गरे। उनले यो शक्तिको जति छिटो उदय भएको छ, यसको पतनको सम्भावना पनि उत्तिकै रहेको दाबी गरे।
पोखरेलले रास्वपा नेपाली राजनीतिको लागि दीर्घकालीन चुनौती नभएको उल्लेख गर्दै यसलाई सहजै सामना गर्न सकिने बताए।
