सिंहदरबारभित्र सञ्चालित केन्द्रीय क्यान्टिन ‘जीएण्ड बी क्याफे ग्रुप’लाई गुणस्तरहीन सामान प्रयोग गरेकोमा वाणिज्य, आपूर्ति तथा उपभोक्ता संरक्षण विभागले २ लाख १ हजार रुपैयाँ जरिवाना गरेको छ। विभागले शुक्रबार गरेको बजार अनुगमनमा कैफियत भेटिएका १२ फर्ममध्ये यो कारबाही भएको हो।
उपभोक्ता संरक्षण ऐन, २०७५ विपरीत कार्य गर्ने फर्महरूलाई विभागले जरिवाना र निर्देशन दिएको थियो। क्यान्टिनमा गुणस्तरहीन चनाको दाल, नेपाली बदाम र अण्डा गरी ६ हजार ५ सय ६० रुपैयाँ बराबरको सामग्री नष्ट गरियो।
त्यसैगरी, भक्तपुरको चाँगुनारायणस्थित ‘जय छुमा गणेश शुद्ध खानेपानी प्रालि’लाई उत्पादन लेबल नराखी बिक्री गरेकोमा १० हजार रुपैयाँ जरिवाना गरियो। अन्य १० फर्मलाई सामान्य निर्देशन दिइएको छ।
