भारतले चिनी निर्यातमा रोक लगाएको साता नबित्दै नेपालमा चिनीको मूल्य किलोमा ७ रुपैयाँसम्म बढेको छ। बजारमा कृत्रिम अभाव सिर्जना हुँदा उपभोक्ता र उद्योग प्रभावित भएका छन्।
विराटनगर लगायतका बजारमा चिनीको उपलब्धता न्यून छ। भारतले निर्यात रोकेको दिनसम्म स्वदेशी चिनीको फ्याक्ट्री मूल्य भ्याटसहित ८८ रुपैयाँ ५० पैसा थियो। त्यसै दिन उद्योगीले किलोमा २ रुपैयाँ मूल्य बढाए। त्यसयता मूल्य थप वृद्धि भई कुल ७ रुपैयाँ पुगेको छ।
यसको प्रत्यक्ष असर सर्वसाधारणका साथै जुस, बिस्कुट र कन्फेक्सनरी उद्योगहरूमा परेको छ।
