गणतन्त्र दिवसको दिन पारेर सुकुम्बासी र नागरिक अभियन्ताहरुले राजधानीमा प्रदर्शन गरेका छन्। उनीहरुले माइतीघरदेखि बानेश्वरसम्म मार्चपास गरेका हुन्।
संयुक्त राष्ट्रिय सुकुम्बासी मोर्चा नेपाल, बृहत् नागरिक आन्दोलन, जेन जेड मुभमेन्ट अलायन्स लगायतका संघसंस्थाहरुले संयुक्त रुपमा यो प्रदर्शनको आयोजना गरेका थिए। प्रदर्शनकारीहरुले राज्यले सुकुम्बासी व्यवस्थापनको नाममा दमन गरेको भन्दै चर्को नाराबाजी गरेका थिए।
