बोलबम यात्राका क्रममा सुनसरीमा भएको हिंसात्मक घटनामा एक जनाको मृत्यु भएपछि प्रमुख जिल्ला अधिकारी (सीडीओ) बासुदेव घिमिरे र प्रहरी प्रमुखलाई जिम्मेवारीबाट हटाउने तयारी छ। गृह मन्त्रालय स्रोतका अनुसार सुरक्षा सावधानी अपनाउन नसकेको आरोपमा दुवै पदाधिकारीलाई गृह मन्त्रालय झिकाउने तयारी छ।
सरकारले घटनाको छानबिन गर्न समिति गठन गरिसकेको छ। सुनसरीको देवानगञ्ज गाउँपालिका–३ कप्तानगञ्जमा प्रहरीको गोली लागेर एक जनाको मृत्यु भएपछि सिडिओ र प्रहरी प्रमुखको भूमिकामाथि प्रश्नचिह्न खडा भएको थियो।
