पश्चिमी वायु, स्थानीय वायु र पूर्वी भू–भाग नजिकको न्यून चापीय क्षेत्रको प्रभावले देशका विभिन्न स्थानमा मौसम प्रभावित हुनेछ। यसको असरले तराईका भूभागमा तातो दिनको अनुभव हुनेछ। पहाडी क्षेत्रका केही स्थानमा वर्षाको सम्भावना छ।
मौसम पूर्वानुमान महाशाखाका अनुसार आज दिउँसो कोशी, मधेस, बागमती र गण्डकी प्रदेशका हिमाली तथा पहाडी भू–भागमा आंशिक बादल लाग्नेछ। तराईका भूभागमा मौसम मुख्यतया सफा रहनेछ।
कोशी र मधेस प्रदेशका साथै बागमती र गण्डकी प्रदेशका हिमाली तथा पहाडी भू–भागका केही स्थानहरूमा मेघगर्जन÷चट्याङसहित मध्यमसम्मको वर्षा÷हिमपातको सम्भावना छ। लुम्बिनी प्रदेशको हिमाली र पहाडी भू–भागका थोरै स्थानहरूमा पनि यस्तै मौसमी गतिविधि देखिन सक्नेछ।
बागमती र गण्डकी प्रदेशका तराईका भूभाग तथा कर्णाली र सुदूरपश्चिम प्रदेशका हिमाली र पहाडी भू–भागका एक–दुई स्थानमा पनि मेघगर्जन÷चट्याङसहित वर्षा÷हिमपातको सम्भावना रहेको छ। सुदूरपश्चिम र लुम्बिनी प्रदेशका तराईका भूभागमा तातो दिनको सम्भावना छ।
मधेस प्रदेशलगायत कोशी, बागमती र गण्डकी प्रदेशका तराई र पहाडी भू–भागका थोरै स्थानहरूमा अपराह्नपछि हुरीको सम्भावना रहेको छ।
