उज्यालो नेपाल पार्टीका अध्यक्ष कुलमान घिसिङले आगामी तीन महिनाभित्र देशभर तीन लाख सदस्यता वितरण गर्ने लक्ष्यसहित संगठन विस्तार अभियान तीव्र पार्न कार्यकर्तालाई निर्देशन दिएका छन्।
खाँडादेवी–काठमाडौं सम्पर्क मञ्चको प्रथम भेलालाई सम्बोधन गर्दै घिसिङले डिजिटल सदस्यतासँगै गाउँ–गाउँमा पुगेर जनतासँग प्रत्यक्ष संवाद गर्ने अभियान सञ्चालन गरिने बताए। ‘तीन महिनामा तीन लाख सदस्यता वितरणले पार्टीलाई जनतासम्म पुग्न सहयोग गर्नेछ,’ उनले भने।
घिसिङले वर्तमान राजनीतिक अवस्था र सरकारको भूमिकाप्रति चिन्ता व्यक्त गरे। देश पुनः द्वन्द्वतर्फ उन्मुख हुन सक्ने आशंका उनले व्यक्त गरे। सरकार र सबै राजनीतिक दलले गम्भीरता अपनाएर देशलाई द्वन्द्वबाट जोगाउन साझा प्रयास गर्नुपर्ने आवश्यकता उनले औंल्याए।
