८२८ मेगावाटको उत्तरगंगा जलविद्युत् आयोजनालाई उत्पादन अनुमति
बागलुङमा २०६१ सालदेखि चर्चामा रहेको ८२८ मेगावाट क्षमताको उत्तरगंगा जलाशययुक्त जलविद्युत् आयोजनाले विद्युत् उत्पादन अनुमति पाएको छ। विद्युत् विकास विभागले साउन २० गते आयोजनालाई अनुमतिपत्र प्रदान गरेको हो।
उत्तरगंगा पावर कम्पनीले निर्माण गर्ने यस आयोजनालाई उत्पादन अनुमति मिलेसँगै चालु आर्थिक वर्षभित्रै निर्माणका लागि बोलपत्र आह्वान गर्ने सरकारी योजना अघि बढ्ने अपेक्षा गरिएको छ।
विद्युत् विकास विभागका महानिर्देशक नवीनराज घिमिरेले उत्पादन अनुमतिपत्र प्रदान गरिएको पुष्टि गरे। यसले आयोजनाको निर्माण प्रक्रियालाई गति दिने उनको भनाइ छ।
विज्ञापन
आयोजना निर्माणले स्थानीय रोजगारी सिर्जना गर्ने र यस क्षेत्रको आर्थिक विकासमा टेवा पुर्याउने अपेक्षा गरिएको छ।
