काठमाडौं। लगातारको वर्षाले तरकारी खेतीमा असर गरेपछि थोक बजारमै मूल्य ४०० प्रतिशतसम्म बढेको छ। असार पहिलो साता सस्तो रहेको हरिया तरकारी अहिले उपभोक्ताको पहुँच बाहिर पुगेको छ।
कालीमाटीको थोक बजारमा रायो सागको मूल्य सबैभन्दा धेरै ४०० प्रतिशतले वृद्धि भएको छ। गत असार ९ गते ३५ रुपैयाँ प्रति केजी रहेको रायो साग साउन ८ गते १७५ रुपैयाँ पुगेको छ। तोरी र पालुंगोको सागको मूल्य पनि १४४ प्रतिशतले बढेर प्रति केजी १ सय रुपैयाँभन्दा बढी पुगेको छ।
कालीमाटी तरकारी बजारका एक व्यापारीले खेतमा पानी जमेर तरकारी कुहिएकाले आपूर्ति घटेको बताए। यसले गर्दा मूल्य बढेको हो।
यो मूल्य वृद्धिले निम्न आय भएका परिवारलाई प्रत्यक्ष असर पारेको छ। दैनिक उपभोग्य तरकारीको मूल्य आकाशिएपछि उनीहरूको भान्सा चलाउन कठिनाई थपिएको छ।
