पश्चिम नवलपरासीको महेशपुरबाट प्रहरीले २७ क्विन्टल ८६ किलो तोरी बरामद गरेको छ। भारतबाट भन्सार छली नेपालमा अवैध रूपमा भित्र्याएर टहरामा भण्डारण गरिएको अवस्थामा तोरी फेला परेको हो।
जिल्ला प्रहरी कार्यालय पश्चिम नवलपरासीका अनुसार असोज ३ गते साँझ करिब ५ बजे तोरी बरामद गरिएको हो। बरामद तोरीको अनुमानित मूल्य ४ लाख ७३ हजार ६२० रुपैयाँ छ।
लुम्बिनी प्रदेश प्रहरी कार्यालय, दाङ, जिल्ला प्रहरी कार्यालय पश्चिम नवलपरासी र इलाका प्रहरी कार्यालय महेशपुरको संयुक्त टोलीले यो कारबाही गरेको हो।
विज्ञापन
बरामद तोरी आवश्यक कारबाहीका लागि महेशपुर भन्सार कार्यालयमा बुझाइएको जिल्ला प्रहरी कार्यालय पश्चिम नवलपरासीका सूचना अधिकारी प्रहरी नायब उपरीक्षक मदन थापाले जानकारी दिए।
