मोरङको उर्लाबारी नगरपालिका–७ गोलचोकस्थितबाट प्रहरीले लागुऔषध ब्राउन सुगरसहित दुई जनालाई पक्राउ गरेको छ।
इलाका प्रहरी कार्यालय उर्लाबारीबाट खटिएको टोलीले प्र १–०२–०५० प १९६० नम्बरको मोटरसाइकल जाँच गर्दा चालक उर्लाबारी–६ का २९ वर्षीय केशव श्रेष्ठसँग १४ ग्राम ७२० मिलिग्राम र पछाडि सवार उर्लाबारी–५ का २४ वर्षीय निश्चल गुरुङसँग नौ ग्राम ४०० मिलिग्राम ब्राउन सुगर बरामद गरेको हो।
जिल्ला प्रहरी कार्यालय मोरङका अनुसार पक्राउ परेका दुवै जनामाथि थप अनुसन्धान भइरहेको छ।
