पूर्वसभामुख कृष्णबहादुर महरालाई विशेष अदालतले एक लाख रुपैयाँ धरौटीमा छाड्न आदेश दिएको छ। विशेष अदालतका अध्यक्ष सुदर्शनदेव भट्ट र सदस्य विदुर कोइरालाको इजलासले सुन तस्करी प्रकरणमा मुद्दा खेपिरहेका महरालाई यो आदेश दिएको हो।
महरामाथि विद्युतीय चुरोट (भेप) भित्र राखेर सुन तस्करीमा सघाएको आरोप छ। अख्तियार दुरुपयोग अनुसन्धान आयोगले गत चैतमा त्रिभुवन अन्तर्राष्ट्रिय विमानस्थल भन्सार कार्यालयबाट सुन तस्करीमा सघाएर भ्रष्टाचार गरेको आरोपमा महराविरुद्ध मुद्दा दायर गरेको थियो।
उक्त प्रकरणमा भन्सारका कर्मचारीहरू पनि मुछिएका छन्। २०७९ पुस १० गते फ्लाई दुबईको जहाजमा चिनियाँ नागरिकले भेपमा ९ किलो सुन भित्र्याएका थिए।
