बागमती प्रदेशमा शुक्रबारदेखि आइतबारसम्म भारी वर्षाको सम्भावना छ। मेघगर्जन, चट्याङ र हावाहुरीसहितको वर्षा हुन सक्ने मौसम विज्ञान विभागले जनाएको छ।
प्रदेशको आन्तरिक मामिला, कानुन तथा सहकारी मन्त्रालयले मौसम विभागको विशेष बुलेटिनका आधारमा नागरिकलाई उच्च सतर्कता अपनाउन आग्रह गरेको छ। विभागका अनुसार असोज ९ गते शुक्रबारदेखि ११ गते आइतबारसम्म प्रदेशका विभिन्न स्थानमा भारी वर्षाको सम्भावना छ।
भारी वर्षाका कारण नदी तथा खोलाहरूमा पानीको बहाव बढ्ने र आकस्मिक बाढी तथा डुबानको जोखिम रहने मन्त्रालयले उल्लेख गरेको छ। यसबाट जोगिन आवश्यक सावधानी अपनाउन अनुरोध गरिएको छ।
