भक्तपुरको छालिङ्ग सडकस्थित नेपाली सेनाको ब्यारेक पछाडि डेरामा बस्ने ३८ वर्षीय विदुर विश्वकर्माले घरायसी विवादमा खुकुरी प्रहार गरी ३३ वर्षीया श्रीमती सलिना तोलाङ्गे विश्वकर्माको हत्या गरेका छन्। बिहीबार बिहान भएको उक्त घटनामा उनीहरुका आठ वर्षीय छोरा त्रिशल विश्वकर्मासमेत घाइते भएका छन्।
प्रहरी परिसर भक्तपुरका प्रहरी नायब उपरीक्षक प्रकाश जवेगुका अनुसार, काठमाडौंको शंकरापुर नगरपालिका–६ नाङ्लेभारे घर भएका विश्वकर्माले आफ्नै डेरामा श्रीमतीमाथि खुकुरी प्रहार गरेका थिए।
घटनामा आठ वर्षीय छोरा त्रिशल विश्वकर्मा पनि घाइते भएको प्रहरीले जनाएको छ।
प्रहरीले खुकुरी प्रहार गर्ने विदुर विश्वकर्मालाई पक्राउ गरी घटनाको अनुसन्धान अघि बढाएको छ।
