पाल्पाको राम्दीस्थित सिद्धार्थ राजमार्गमा नेपालकै पहिलो ‘कन्क्रिट फिल्ड स्टिल ट्युब (सीएफएसटी) आर्च’ पुल निर्माण अन्तिम चरणमा छ। सडक विभागका महानिर्देशक डा. विजय जैसीका अनुसार, ९० प्रतिशत काम सकिएको छ। यो पुल असारभित्र सम्पन्न गरी सञ्चालनमा ल्याउने लक्ष्य छ।
निर्माण सकिएपछि राम्दी क्षेत्रमा सिद्धार्थ राजमार्ग प्रयोग गर्ने हजारौं यात्रु र मालवाहक सवारीसाधनले हालको वैकल्पिक मार्ग प्रयोग गर्नुपर्ने बाध्यता हट्नेछ। यसले यात्राको समय र लागत दुवैमा कमी ल्याउने अपेक्षा गरिएको छ।
