काठमाडौं महानगरपालिकालाई सोमबार सहयोगापेक्षी मानवमुक्त सहर घोषणा गरिएको छ। राष्ट्रिय सभागृहमा आयोजित समारोहमा कार्यवाहक प्रमुख सुनिता डंगोलले ‘जो बेसहारा, महानगरपालिकाको अभिभारा’ नारासहित यो घोषणा गरिन्।
अभियानलाई प्रभावकारी बनाउन महानगरपालिकाले नेपाल प्रहरी, जिल्ला प्रशासन कार्यालय र मानव सेवा आश्रमसँग सम्झौता गरेको छ। सम्झौताले सडक वा सार्वजनिक स्थलमा आश्रयविहीन व्यक्तिको उद्धार, हेरचाह, औषधोपचार र पुन:स्थापनाको कार्यलाई निरन्तरता दिनेछ।
