काठमाडौं । श्रम ऐन लागू गर्न माग गर्दै प्रशिक्षार्थी चिकित्सकहरू शनिबार माइतीघर मण्डलामा आन्दोलित भएका छन्। उनीहरूले हप्तामा एक दिन बिदा र दैनिक १२ घण्टाभन्दा बढी काममा नलगाउन माग गरेका छन्।
एमबीबीएस उत्तीर्ण चिकित्सक डा. प्रज्ञान बस्नेतले नेपालको उच्च शिक्षा प्रणालीमा शोषणका कारण धेरै चिकित्सक एमडी अध्ययन गर्न नसकेको बताइन्। यो आन्दोलनले युवा स्वास्थ्यकर्मीहरूको श्रम शोषण बन्द गरिनुपर्ने आवाज उठाएको छ।
