सिन्धुलीको फिक्कल गाउँपालिका-२ नवलपुरस्थित सुनकोशी नदीमा कार खस्दा तीन जनाको मृत्यु भएको छ। सोमबार पौने १२ बजे भएको दुर्घटनामा सिन्धुपाल्चोकका पूर्ववडाध्यक्ष ३९ वर्षीय दिलकुमार लामा, गोलान्जोर गाउँपालिकाका २८ वर्षीय गणेश थापा र तिनपाटन गाउँपालिकाका १७ वर्षीय सुजन बलमपाकी मगरको मृत्यु भएको Nmkhabarलाई स्रोतले पुष्टि गर्यो। लामा आफैं कार चलाइरहेका थिए।
हेमबहादुर तामाङले चलाएको बसले प्रदेश ३-०१-०२४ च ९५७३ नम्बरको कारलाई ठक्कर दिएको थियो। ठक्करपछि कार अनियन्त्रित भई नदीमा खसेको थियो। प्रहरीले बस चालक तामाङलाई नियन्त्रणमा लिएको छ।
नेपाल प्रहरी र सशस्त्र प्रहरी बलको गोताखोरसहितको टोलीले तीनै जनाको शव फेला पारेको छ। प्रहरीले घटनाको अनुसन्धान सुरु गरेको छ।
