बाजुराको हिमाली गाउँपालिका–३ लाम्पाटामा प्रहरी चौकी निर्माणस्थलमा सीमा विवाद हुँदा ६ जना घाइते भएका छन्। हुम्लाको खार्पुनाथ गाउँपालिका–२, थालीका बासिन्दाले आक्रमण गर्दा गाउँपालिकाका प्रमुख प्रशासकीय अधिकृत कुलबहादुर थापा, वडा सदस्य पेमा गारा गुरुङ, उनकी श्रीमती लक्ष्मी गुरुङ, स्थानीय मीनु कुँवर, नरबहादुर गुरुङ र प्रहरी सहायक हवल्दार महेश धामी घाइते भएका हुन्।
घाइते चार जनालाई गाउँपालिकाको खर्चमा निजी हेलिकप्टरमार्फत कर्णाली प्रदेशको सुर्खेत प्रादेशिक अस्पताल पठाइएको छ। प्रमुख जिल्ला अधिकारी डोरेन्द्र निरौलाले यो जानकारी दिएका छन्।
यसअघि जेठ ३ गते पनि दुई पक्षबीच विवाद भएको थियो।
