भक्तपुरको चाँगुनारायणबाट एलपी ग्यास प्रति सिलिन्डर ७ हजार रुपैयाँमा बिक्री गर्ने सञ्चालक पक्राउ परेका छन्। प्रहरीले ५७ वर्षीय तुलसीराम त्वयनालाई शनिबार नियन्त्रणमा लिएको हो।
जिल्ला प्रहरी परिसर भक्तपुरका प्रहरी नायब उपरीक्षक दीपककुमार कार्कीका अनुसार, त्वयनाले सञ्चालन गरेको ‘त्वयना किराना पसल’बाट ३ थान ग्यास सिलिन्डर बरामद गरिएको छ।
उपभोक्ताको सूचनाका आधारमा प्रहरीले गरेको अनुगमनमा उनले अत्यधिक मूल्यमा ग्यास बिक्री गरिरहेको पाइएको थियो। त्वयनामाथि थप अनुसन्धान भइरहेको प्रहरीले जनाएको छ।
