विराटनगरको व्यापारिक घराना देवनरा समूहका सञ्चालक प्रकाश मुन्दडाको घर र अफिसमा प्रहरीले छापा मारेको छ। सोमबार बिहान करिब ४ बजे प्रहरीले मुन्दडाको घर र अफिस घेराउ गरी खानतलासी सुरु गरेको थियो।
जिल्ला प्रहरी कार्यालय मोरङको टोलीले यो अपरेशनको नेतृत्व गरेको छ। प्रहरीले छापा मार्नुको कारण अवैध कारोबार र कर छली भएको आशंका गरेको छ। प्रहरीले यस विषयमा आधिकारिक जानकारी भने दिएको छैन।
देवनरा समूहले मुख्यतया चाँदीको कारोबार गर्छ। समूहले बाबा आयल र हाइलाइफ चप्पल उद्योग पनि सञ्चालन गर्छ। प्रकाश मुन्दडा नेपाल उद्योग परिसंघ कोशी प्रदेशका उपाध्यक्ष हुन्। उनी मोरङ उद्योग व्यापार संघका पूर्वअध्यक्ष पनि हुन्।
