वीरगन्जको इनर्वागाउँबाट प्रहरीले ११ लाख २ हजार १ सय ४० रुपैयाँ बराबरका भन्सार छलीका लत्ताकपडा बरामद गरेको छ।
जिल्ला प्रहरी कार्यालय पर्साले सीमावर्ती क्षेत्रबाट खुल्लमखुल्ला अवैध ओसारपसार भइरहेको सूचना पाएपछि निगरानी बढाएको थियो। सोही क्रममा प्रहरीले वीरगन्ज महानगरपालिका–१६ इनर्वागाउँबाट उक्त सामान बरामद गरेको हो।
बरामद गरिएका लत्ताकपडाको कुल मूल्य ११ लाख २ हजार १ सय ४० रुपैयाँ रहेको जिल्ला प्रहरी प्रवक्ता एवं डिएसपी चक्रबहादुर मल्लले जानकारी दिए।
प्रहरीले बरामद सामग्री आवश्यक कारबाहीका लागि वीरगन्ज भन्सार कार्यालय पर्सामा बुझाइसकेको छ।
