चिलिमे जलविद्युत आयोजनाको सुरुङमा जम्मा भएको ७० मिटर लेदो पन्छाइएको छ। अवरुद्ध भएको खोजी तथा उद्धार कार्य पुनः सुचारु भएको छ।
राष्ट्रिय स्वतन्त्र पार्टी (रास्वपा) का सांसद श्रीराम न्यौपानेले उद्धार कार्य अघि बढेको जानकारी दिए। उनले ‘नाइट सिफ्ट’ निरन्तरताका लागि बिहान २ बजे बिग्रिएको ह्विल लोडर मर्मत गर्न मेकानिक्स टोलीसहित साइटतर्फ जाने क्रममा भोटेकोशी नदीको बढ्दो बहाव, वर्षा र पारिपट्टिको पहिरोका कारण बीचबाटै फर्किनुपरेको बताए।
उनका अनुसार सुरुङभित्रको लेदो पन्छाउने काम ७० मिटरसम्म सम्पन्न भएको छ। केही समय रोकिएको काम पुनः सुचारु हुँदै गएको उनले जानकारी दिए।
