भोटेकोशी नदीमा आएको विनाशकारी बाढीले प्रभावित चिलिमे जलविद्युत आयोजनाको सुरुङभित्र फसेका व्यक्तिको उद्धारका लागि टोली प्रवेश गरेको छ।
शनिबार बिहानैदेखि एक्स्काभेटर प्रयोग गरी सुरुङभित्र जाने बाटो खुलाउने काम भइरहेको थियो। भग्नावशेष, बाक्लो लेदो, ढुंगामुढा र कंक्रिट पन्छाउँदै टोलीले सुरुङको भित्री भागसम्म पुगेर खोजी कार्यलाई निरन्तरता दिएको छ।
इन्जिनियर गोकर्ण चौधरीका अनुसार बाटो खुलेपछि उद्धार कार्य थप सहज भएको छ। हाल उद्धार टोली सुरुङभित्र प्रवेश गरी फसेका श्रमिक तथा अन्य व्यक्तिको खोजी गरिरहेको छ।
सुरुङभित्रको अवस्था पत्ता लगाउँदै फसेकाहरूलाई सुरक्षित रूपमा बाहिर निकाल्न भग्नावशेष पन्छाउने र बाटो खुलाउने काम भइरहेको छ।
