भरतपुर महानगरपालिका–१६ स्थित रोयल फर्मास्युटिकल्स उद्योगमा एसीको कुलिंग ग्यास भर्ने क्रममा सिलिन्डर विस्फोट हुँदा एक कामदारको मृत्यु भएको छ। अर्का एक कामदार गम्भीर घाइते छन्।
शुक्रबार दिउँसो करिब ३:२० बजे उद्योगको दोस्रो तल्लामा यो घटना भएको जिल्ला प्रहरी कार्यालय चितवनले Nmkhabarलाई पुष्टि गर्यो।
विस्फोटमा भरतपुर महानगरपालिका–१२ का ३० वर्षीय प्रमोद कोइराला र पर्साका २८ वर्षीय इम्तियाज देवान घाइते भएका थिए।
विज्ञापन
भरतपुर अस्पताल पुर्याइएका कोइरालाको उपचारका क्रममा दिउँसो करिब ४:०५ बजे मृत्यु भएको प्रहरी उपरीक्षक रामेश्वर पौडेलले जानकारी दिए।
घाइते देवानको चितवन मेडिकल कलेजमा उपचार भइरहेको छ। उनको अवस्था गम्भीर छ।
