संविधान संशोधन बहसपत्र तयार गर्न गठित कार्यदलले ४४,६१३ सुझाव प्राप्त गरेको छ। कार्यदल सचिवालयले जेठ ८ गते सूचना जारी गरी संविधान सुधारबारे लिखित सुझाव मागेको थियो।
कार्यदल सदस्यसचिव लीलाधर सुवेदीका अनुसार १९,२३९ इमेलमार्फत र २५,३७४ सुझाव ह्वाट्सएपमार्फत प्राप्त भएका छन्। कार्यदलले नागरिक सहभागिता सुनिश्चित गर्न सुझाव आह्वान गरेको थियो।
कार्यकारी राष्ट्रपति, सङ्घीयता पुनरावलोकन, संवैधानिक निकाय पुनर्संरचना, निर्वाचन प्रणाली सुधार, न्यायपालिका सुधार र जनप्रतिनिधिको योग्यता निर्धारणजस्ता विषयमा सुझाव परेका छन्। कार्यदलले प्राप्त सुझावहरूको अध्ययन गरिरहेको छ।
