धनुषा जिल्लाको बिदेह नगरपालिका (दुहबी) निवासी रमाकान्त झा गम्भीर आर्थिक अभावका कारण श्रीमतीको उपचार खर्च तिर्न नसक्दा अस्पतालमा बन्धक बनेका छन्।
यो दुःखद अवस्थाबारे वरिष्ठ साहित्यकार तथा सञ्चारकर्मी धीरेन्द्र प्रेमर्षिले सामाजिक सञ्जालमार्फत जानकारी गराउँदै मानवीय सहयोगको अपिल गरेका छन्।
प्रेमार्षिका अनुसार, उनले व्यक्तिगत तर्फबाट ७,७०० रुपैयाँ सहयोग गरिसकेका छन्। साथै, अन्य सहयोगीहरूबाट संकलित करिब ३० हजार रुपैयाँको विवरण गंगेश मिश्रले उपलब्ध गराएका छन्।
“दश जनाको लट्ठी, एक जनाको बोझ” भन्ने भावनाका साथ यस विपद्को घडीमा रमाकान्त झालाई यथाशक्य सहयोग गर्न आग्रह गरिएको छ।
सहयोग गर्न चाहने महानुभावहरूका लागि बैंक तथा क्यूआर कोड (QR Code) सम्बन्धी विवरण कमेन्ट बक्समा उपलब्ध गराइएको छ। पीडित परिवारलाई यस दुःखद घडीमा साथ दिन सम्पूर्ण सहयोगी मनहरूसँग हार्दिक अपिल गरिएको छ।
