रसुवाको धुन्चे बजारमा स्रोत नखुलेको १९ लाख ५२ हजार १०० नेपाली रुपैयाँसहित गोसाइँकुण्ड-३ का ३५ वर्षीय मिङमार छिरिङ गुरुङ पक्राउ परेका छन्।
शनिबार पासाङ ल्हामु राजमार्ग खण्डमा नियमित गाडी जाँच गरिरहेको प्रहरी टोलीले स्याफ्रुबेंसीबाट काठमाडौंतर्फ जाँदै गरेको बा१ज ४८०७ नम्बरको सुमो गाडी रोकेर खानतलासी गर्दा उक्त रकम फेला पारेको जिल्ला प्रहरी कार्यालय धुन्चेले जनाएको छ।
गुरुङले बोकेको झोलामा उक्त रकम फेला परेको थियो। प्रहरीले प्रारम्भिक अनुसन्धानका क्रममा यो रकम हुन्डी कारोबारमार्फत ओसारपसार गर्न लागिएको आशंका गरेको छ।
विज्ञापन
पक्राउ परेका गुरुङमाथि थप अनुसन्धान भइरहेको प्रहरीले जनाएको छ।
