मेडिकल व्यवसायी दुर्गा प्रसाईंलाई प्रहरीले वीरगञ्जबाट पक्राउ गरेको छ; पक्राउको कारणबारे प्रहरी मौन छ।
‘राष्ट्र, राष्ट्रियता, धर्म संस्कृति र नागरिक बचाउ महाभियान’का संयोजक प्रसाईंलाई सोमबार राति वीरगञ्जको दियोलो होटलबाट नियन्त्रणमा लिइयो। उनी अभियानको कार्यक्रमका लागि वीरगञ्ज पुगेका थिए।
जिल्ला प्रहरी कार्यालय पर्साका एक अधिकृतले प्रसाईं पक्राउ पुष्टि गरे। प्रहरीले पक्राउको कारण भने खुलाएको छैन।
प्रसाईंका एक निकट सहयोगीका अनुसार प्रहरीले ‘माथिको आदेश’ भन्दै उनलाई पक्राउ गरेको हो। उनको वीरगञ्जमा मंगलबारका लागि एक कार्यक्रम तय भएको थियो।
