काठमाडौं। बजारमा म्याद सकिएका खाद्यवस्तु छ्यापछ्याप्ती भेटिएको छ। खाद्य प्रविधि तथा गुण नियन्त्रण विभागले गरेको अनुगमनमा रेष्टुरेन्टदेखि कोल्ड स्टोरसम्म कैफियत फेला परेको हो।
लैनचौरस्थित गाउँबेसी थकाली रेष्टुरेन्टको भण्डारण कक्षमा पाँच थान रोज वाटर र एक थान केवरा वाटरको म्याद गुज्रेको भेटियो। विभागले ती वस्तु नष्ट गरेको छ।
ठमेलस्थित भागवती कोल्ड स्टोरमा पनि मिति गुज्रेका ६ थान रोज वाटर र एक थान सिरप भेटिएको छ। यी वस्तुहरू पनि विभागले नष्ट गरेको छ।
