घुस प्रकरणमा उदयपुरका वन अधिकृतविरुद्ध अख्तियारद्वारा विशेष अदालतमा मुद्दा दायर

उदयपुरका डिभिजन वन कार्यालयका योजना शाखा प्रमुख भुवन पौडेलविरुद्ध अख्तियार दुरुपयोग अनुसन्धान आयोगले १५ हजार रुपैयाँ घुस लिएको आरोपमा विशेष अदालतमा भ्रष्टाचार मुद्दा दायर गरेको छ। पौडेलमाथि काठको लगत समर्थन र लिलामका लागि सहमति सिफारिस गरिदिएबापत सेवाग्राहीसँग घुस लिएको अभियोग छ।

आयोगले पौडेलविरुद्ध भ्रष्टाचार निवारण ऐन, २०५९ को दफा ३ (१) बमोजिम १५ हजार रुपैयाँ बिगो कायम गरी कैद तथा बिगोबमोजिम जरिवाना माग गरेको छ। आयोगले स्थलगत अनुसन्धानबाट घुस लिएको पुष्टि भएको दाबी गर्दै विशेष अदालतमा आरोपपत्र दायर गरेको हो।