अख्तियार दुरुपयोग अनुसन्धान आयोगले पूर्वप्रधानमन्त्री शेरबहादुर देउवाका स्वकीय सचिव भानु देउवा र पुष्पकमल दाहाल (प्रचण्ड) का स्वकीय सचिव गंगा दाहालको सम्पत्तिमाथि अनुसन्धान सुरु गरेको छ। आयोगमा परेको उजुरीका आधारमा यो अनुसन्धान प्रक्रिया अघि बढेको हो।
भानु देउवाबाट सम्पत्तिको विस्तृत विवरण मागिएको छ। गंगा दाहालका हकमा उनका पति एवम् कोशी प्रदेश सरकारका पूर्वमन्त्री जीवन आचार्यको समेत सम्पत्ति अनुसन्धान भइरहेको छ। अख्तियार स्रोतले यो जानकारी दिएको हो।
यसअघि अख्तियारले पूर्वप्रधानमन्त्री केपी शर्मा ओलीका स्वकीय सचिव राजेश बज्राचार्यको सम्पत्ति अनुसन्धान सुरु गरिसकेको छ।
