फिफा विश्वकपमा साविक उपविजेता फ्रान्सले सेनेगलमाथि ३-१ को जित निकालेको छ। यस जितसँगै फ्रान्सले प्रतियोगितामा विजयी सुरुवात गरेको छ।
खेलको ६६औं मिनेटमा केलियन एमबाप्पेले फ्रान्सलाई अग्रता दिलाए। त्यसपछि मैदान छिरेका ब्राड्ली बारकोलाले अग्रता दोब्बर पारे। इन्जुरी समयमा सेनेगलका इब्राहिम म्बायेले एक गोल फर्काए। ९६औं मिनेटमा एमबाप्पेले व्यक्तिगत दोस्रो गोल गर्दै फ्रान्सको जित सुनिश्चित गरे।
यस खेलसँगै २७ वर्षीय एमबाप्पे फ्रान्सका लागि सर्वाधिक गोल गर्ने खेलाडी बनेका छन्। उनको अन्तर्राष्ट्रिय गोल संख्या ५८ पुगेको छ। विश्वकपमा उनको कुल गोल संख्या १४ पुगेको छ। यसले उनलाई पेले (१२ गोल), मेस्सी (१३ गोल) र जुस्ट फोन्टेन (१३ गोल) भन्दा अगाडि राखेको छ।
एमबाप्पेले विश्वकपमा फ्रान्सका लागि जस्ट फन्टेनको १३ गोलको कीर्तिमान तोडेका छन्। फ्रान्सका लागि धेरै गोल गर्ने खेलाडीको सूचीमा थिएरी हेनरी (६ गोल), जिनेडिन जिदान, मिचेल प्लेटिनी र ओलिभर जिरार्ड (५ गोल) छन्।
सन् २०१८ को विश्वकप विजेता फ्रान्सले अब समूह चरणमा इराकको सामना गर्नेछ।
