सरकारले गरेका केही निर्णयले अपेक्षित परिणाम नदिए सच्याउन तयार हुनुपर्ने नेपाली कांग्रेसका सभापति गगन थापाले बताएका छन्। काठमाडौं महानगरपालिका वडा नं ८ मा आयोजित कार्यक्रममा बोल्दै उनले लोकतान्त्रिक व्यवस्थामा सरकारको निर्णय अन्तिम नहुने स्पष्ट पारे। नागरिकबाट प्रश्न उठे वा निर्णयले अपेक्षित परिणाम नदिए सच्याउनुपर्ने उनको भनाइ छ।
थापाले कुनै सोचका साथ गरिएका निर्णयबाट सोचेअनुसारको परिणाम नआएमा त्यसलाई सच्याउनुपर्ने बताए। उनले यसलाई कमजोरी नभई लोकतान्त्रिक संस्कारको हिस्सा भएको तर्क गरे। ‘कहिलेकाहीँ निर्णय गर्दा गल्ती हुन सक्छ। गल्ती भएपछि त्यसलाई स्वीकार गरेर माफी माग्ने र निर्णय सच्याउने कुरालाई ठूलो इगोको विषय बनाउनु हुँदैन,’ उनले भने।
थापाले सरकारका सम्बन्धित मन्त्रालयहरूलाई आफ्ना निर्णयहरूको पुनरावलोकन गर्न आग्रह गरेका छन्।
