साताको कारोबारको पहिलो दिन आइतबार नेपाली सुनचाँदी बजारमा सुनको मूल्य प्रतितोला ८ हजार २ सय रुपैयाँले घटेको छ। नेपाल सुनचाँदी व्यवसायी महासंघका अनुसार आज छापावाल सुनको मूल्य ३ लाख ८ सय रुपैयाँ कायम भएको छ। अघिल्लो दिन यो मूल्य ३ लाख ९ हजार रुपैयाँ थियो।
त्यस्तै, चाँदीको मूल्य प्रतितोला ३३५ रुपैयाँले घटेर ४ हजार ८९५ रुपैयाँमा झरेको छ। अघिल्लो दिन चाँदीको मूल्य ५ हजार २३० रुपैयाँ थियो।
अन्तर्राष्ट्रिय बजारमा सुनको मूल्य प्रति औँस ४ हजार ५०० रुपैयाँसम्म आइपुगेको छ। यसको प्रभाव नेपाली बजारमा पनि परेको व्यवसायीहरूले बताएका छन्।
