गृहमन्त्री गुरुङ तराईको तनाव साम्य पारेर काठमाडौं फिर्ता

गृहमन्त्री सुधन गुरुङ काठमाडौँ फर्किएका छन्। पूर्वीतराई र मधेसको अवस्था सामान्य भएसँगै आइतबार साँझ उनी राजधानी आइपुगेका हुन्। साउन १४ गते प्रधानमन्त्री बालेन्द्र शाहसँग भेटवार्ता गरेपछि गुरुङ स्थलगत अनुगमन र संवादका लागि सुनसरी पुगेका थिए। कप्तानगञ्ज र सिरहामा साम्प्रदायिक विवाद बढेपछि उनी त्यसतर्फ गएका थिए। विवादमा तीन जनाले ज्यान गुमाएका थिए। गृहमन्त्री गुरुङले सुनसरी र सिरहामा पीडित परिवारसँग सम्झौता गरेका थिए। धनुषामा हिन्दु सम्राट सेनाका प्रतिनिधिसँग दुई दिन वार्ता भयो। लिखित सहमति नभए पनि मौखिक समझदारीपछि सेनाले आन्दोलन फिर्ता लियो। सरकारसँगको सहमतिपछि आन्दोलन स्थगित भएको छ। गुरुङले काठमाडौं फर्किएपछि मौखिक समझदारी कार्यान्वयन गर्ने प्रतिबद्धता जनाएका छन्। उनले प्रधानमन्त्री शाहलाई भ्रमण, सहमति र सुरक्षा अवस्थाबारे ब्रिफिङ गर्नेछन्।