हुम्लाको जनजीवन हिमपातले अस्तव्यस्त, सञ्चार ठप्प

निरन्तर वर्षा र हिमपातले हुम्लाको जनजीवन अस्तव्यस्त पारेको छ। जिल्ला सदरमुकाम सिमकोटसहित अधिकांश क्षेत्रमा फोन र इन्टरनेट सेवा पूर्ण रूपमा अवरुद्ध भएको छ। अग्ला स्थानमा रहेका टेलिफोन तथा इन्टरनेट टावरमा जडान गरिएका सोलार प्रणालीले काम नगर्दा सञ्चार सेवा ठप्प भएको हो। सञ्चार सेवा अवरुद्ध हुँदा स्थानीय तह, सुरक्षा निकाय र अन्य सम्बन्धित कार्यालयसँग समन्वय गरी क्षतिको विवरण लिन समस्या भएको छ। वर्षाका कारण जिल्लाका विभिन्न स्थानमा विद्यालय भवनमा क्षति पुग्नुका साथै सडक अवरुद्ध भएको छ। सिमकोटसहितका क्षेत्रमा हिमपात भएको छ। हिल्सा नाका हिमपातका कारण पूर्ण रूपमा अवरुद्ध रहेको छ।