तीन हप्तादेखि अवरुद्ध नेपाली चिया निर्यातमा भारतले गैरभन्सार अवरोध हटाएको छ।
भारतको वाणिज्य तथा उद्योग मन्त्रालय अन्तर्गतको चिया बोर्डले मंगलबार राति सूचना जारी गर्दै नेपाली चियालाई सहजीकरण गरेको हो।
यो निर्णयसँगै अब भारतमा आन्तरिक बिक्रीका लागि आयात गरिने चियाका खेपहरूमा अनियमित (र्यान्डम) परीक्षण मात्र गरिनेछ।
यसअघि प्रत्येक ट्रकपिच्छे गरिने नियमित परीक्षणको आवश्यकता हटेको छ। यसबाट नेपाली चिया निर्यातकर्ताहरूले राहत पाएका छन्।
विराटनगर नाका हुँदै भारततर्फ जाने चिया ढुवानीमा अवरोध थियो। अब सीमा नाकामा चियाको आवतजावत सहज हुनेछ।
