इन्डोनेसियाको समुद्री बीचमा गुडिरहेको डुंगामा आगलागी हुँदा पाँच जनाको मृत्यु भएको छ। ४१ जना बेपत्ता भएका छन् भने २२५ जनाको उद्धार गरिएको छ।
क्षेत्रीय सुराबाया खोज तथा उद्धार निकायका अनुसार डुंगामा सवार पाँच जनाको मृत्यु भएको, ४१ जना बेपत्ता भएका र २२५ जनालाई सकुशल उद्धार गरिएको छ।
इन्डोनेसियाको राष्ट्रिय खोज तथा उद्धार निकाय (बासारनास) का अनुसार आगलागीपछि केही यात्रु आत्तिएर समुद्रमा हाम फालेका थिए। नजिकै रहेको अर्को जहाजले उनीहरूलाई उद्धार गरेको थियो।
विज्ञापन
घटनास्थल नजिकै चार अन्य जहाज तयारी अवस्थामा थिए। तर, डुंगामा रहेको ज्वलनशील पदार्थका कारण उनीहरू नजिक जान सकेनन्।
बासारनासले डुंगाका क्याप्टेनसँग सम्पर्क हुन नसकेको बताएको छ। सुराबायाबाट ठूलो उद्धार टोली घटनास्थलतर्फ पठाइएको छ।
