तारकेश्वर नगरपालिका–६, लोलाङ पैँयुटारमा नेपाली सेनामा कार्यरत ईश्वरी भुजेलको हत्या आरोपमा उनका श्रीमान् कुमार थापा मगर ‘नेपाली ब्रो’ सहित थप तीन जनालाई प्रहरीले पक्राउ गरेको छ। शुक्रबार राति भएको हत्या प्रकरणमा संलग्न भएको आरोपमा उनीहरूलाई नियन्त्रणमा लिइएको हो।
प्रहरीले मुख्य अभियुक्तका रूपमा ईश्वरीका पति कुमार थापा मगरलाई केही दिनअघि नै बालाजुबाट पक्राउ गरेको थियो। ईश्वरीका माइती पक्षले घटनामा अरूको पनि संलग्नता रहेको भन्दै जाहेरी दिएपछि प्रहरीले थप तीन जनालाई पक्राउ गरेको हो।
पक्राउ पर्नेमा नुवाकोट घर भई हाल तारकेश्वर बस्ने ३६ वर्षीय विक्रम थापा मगर, बालाजु बस्ने ४० वर्षीया पुजन थापा र जुम्ला घर भई हाल गोकर्णेश्वर बस्ने २५ वर्षीया प्रतीक्षा आचार्य रहेका छन्।
हाल पक्राउ परेका चारै जनालाई काठमाडौं जिल्ला अदालतबाट ५ दिनको म्याद थप गरी हिरासतमा राखी थप अनुसन्धान भइरहेको जिल्ला प्रहरी परिसर काठमाडौंले जनाएको छ।
