महोत्तरीको सदरमुकाम जलेश्वर डेढ घण्टाको मुसलधारे वर्षाले जलमग्न भएको छ। वर्षाले सडकमा एकदेखि तीन फिटसम्म पानी जमेपछि यातायात आवागमन प्रभावित भएको छ।
जलेश्वरको सहरी क्षेत्रमा ढल निकासको उचित व्यवस्था नहुँदा पानीसँगै फोहरमैला सडकभरि छरिएको छ। महेन्द्रचौकस्थित हनुमान मन्दिर र राजदेवी मन्दिरसमेत डुबानमा परेका छन्। राजदेवी मन्दिरको गर्भगृहमा पानी पस्ने अवस्था छ।
