झापाको कन्काई नगरपालिका–२ मा प्रहरीले १०२ ग्राम खैरो हेरोइनसहित दुई भारतीय नागरिकलाई पक्राउ गरेको छ। लागुऔषध नियन्त्रण ब्यूरो शाखा कार्यालय काँकडभिट्टाबाट खटिएको टोलीले शनिबार उनीहरूलाई लागूऔषध किनबेच गरिरहेको अवस्थामा फेला पारेको हो।
पक्राउ पर्नेमा भारत बिहार राज्यको अररिया कुरसाकट्टाका २७ वर्षीय अझर अन्सारी र २८ वर्षीय महमद अहवाल छन्। प्रहरीले उनीहरूको साथबाट १०२ ग्राम खैरो हेरोइन, ७ हजार २०० क्याप्सुल ट्रामाडोल, ७ हजार ४५० ट्याब्लेट नाइट्राभेट र २ थान मोबाइल बरामद गरेको छ।
दुवै भारतीय नागरिकलाई आवश्यक अनुसन्धान तथा कारबाहीका लागि इलाका प्रहरी कार्यालय अनारमनीमा बुझाइएको छ।
