झापाको मेचीनगर नगरपालिका–४ मा जङ्गली हात्तीको आक्रमणबाट ६२ वर्षीया पद्मा पौडेलको घटनास्थलमै मृत्यु भएको छ। पौडेल घरबाट बाहिर निस्कने क्रममा जङ्गल क्षेत्रबाट आएको हात्तीले कुल्चिँदा ज्यान गएको हो।
प्रहरी चौकी बाहुनडाँगीबाट खटिएको प्रहरी टोलीले घटनास्थल सुरक्षित राखेको छ। घटनाको थप अनुसन्धान तथा कानुनी प्रक्रियाका लागि इलाका प्रहरी कार्यालय काँकरभिट्टामा पठाइएको छ।
