पत्रकार किशोर श्रेष्ठलाई काठमाडौं जिल्ला अदालतले तीन दिन थुनामा राखेर अनुसन्धान गर्न अनुमति दिएको छ।
जनआस्था साप्ताहिकका सञ्चालक एवं सम्पादक श्रेष्ठलाई वैयक्तिक गोपनीयता हननको कसुरमा प्रहरीले बुधबार राति ललितपुरस्थित निवासबाट पक्राउ गरेको थियो।
काठमाडौं जिल्ला अदालतका न्यायाधीश उमेशप्रसाद लुइँटेलको इजलासले प्रहरीलाई श्रेष्ठलाई ३ दिन म्याद थप गरी अनुसन्धान गर्न अनुमति दिएको हो।
पत्रकार श्रेष्ठविरुद्ध वैयक्तिक गोपनीयताको हनन्सम्बन्धी कसुरमा अनुसन्धान अघि बढाइएको प्रहरीले जनाएको छ।
पत्रकार श्रेष्ठको गिरफ्तारीको विरोधमा विभिन्न पत्रकार संगठनहरूले प्रेस स्वतन्त्रतामाथिको हस्तक्षेप भन्दै बिनाशर्त रिहाइको माग राखेर काठमाडौंमा प्रदर्शन गरिरहेका छन्।
