कैलालीको गौरीगङ्गा नगरपालिका-४ स्थित कालिका माध्यमिक विद्यालय व्यवस्थापन समितिका सदस्य देवबहादुर बम दुई लाख रुपैयाँ घुससहित पक्राउ परेका छन्। अख्तियार दुरुपयोग अनुसन्धान आयोग महेन्द्रनगरको टोलीले उनलाई नियन्त्रणमा लिएको हो।
कर्मचारीको सेवासुविधा वृद्धि गरिदिने प्रलोभनमा बमले घुस मागेको अख्तियार कार्यालय कञ्चनपुरका प्रवक्ता चेतराज भट्टले जानकारी दिए। घटनास्थलमा आवश्यक प्रक्रिया पूरा भइसकेको छ।
अख्तियारले यस क्षेत्रमा ‘स्ट्रिङ अप्रेसन’ सञ्चालन गरिरहेको छ। विस्तृत अनुसन्धान अब सुरु हुनेछ।
