कञ्चनपुरका शुक्रफाँटा नगरपालिकाले आगामी दुई दिन विद्यालय बन्द गर्ने निर्णय गरेको छ। कृष्णपुर नगरपालिकाले आजदेखि तीन दिन सार्वजनिक बिदा दिएको छ। भीमदत्त नगरपालिकाले पनि तीन दिन विद्यालय बन्दको सूचना जारी गर्यो।
यी नगरपालिकाले विद्यार्थीको स्वास्थ्यलाई मध्यनजर गरी बिदा दिएका हुन्। बिदा गर्मी बिदाबाट कट्टी गरिनेछ। कञ्चनपुरमा नौ स्थानीय तह छन्। जिल्लामा ३४९ संस्थागत र २६० सामुदायिक विद्यालय सञ्चालित छन्।
विगत केही दिनयताको अत्यधिक गर्मीले जनजीवन प्रभावित बनेको छ। जल तथा मौसम विज्ञान विभागले तातो हावा र अत्यधिक गर्मीबारे चेतावनी जारी गरेको छ। लुम्बिनी र सुदूरपश्चिम प्रदेशमा तापक्रम ४० डिग्री सेल्सियसभन्दा बढी पुग्ने सम्भावना छ।
